ﺋﺎﻣﯧﺮﯨﻜﺎ ﻗﻪﻟﻪﻣﻜﻪﺷﻠﻪﺭ ﺟﻪﻣﺌﯩﻴﯩﺘﻰ ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻦ ﺋﯜﭼﯜﻥ ﺋﯩﻤﺰﺍ ﺗﻮﭘﻼﺵ ﻫﻪﺭﯨﻜﯩﺘﻰ ﻗﻮﺯﻏﯩﺪﻯ

ﺧﯩﺘﺎﻱﻫﯚﻛﯜﻣﯩﺘﻰ ﻳﺎﺯﻏﯘﭼﻰ ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻨﻨﯩﯔ "ﻗﻪﺷﻘﻪﺭ ﺋﻪﺩﯨﺒﯩﻴﺎﺗﻰ" ﮊﻭﺭﻧﯩﻠﯩﻨﯩﯔ 2005 ‏ - ﻳﯩﻠﺪﯨﻜﻰ 4 ‏ - ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ "ﻳﺎﯞﺍ ﻛﻪﭘﺘﻪﺭ" ﻧﺎﻣﻠﯩﻖﺋﻪﺳﯩﺮﯨﺪﻩ ﻛﯩﺸﯩﻠﻪﺭﻧﻰ "ﺑﯚﻟﮕﯜﻧﭽﯩﻠﯩﻚ"ﻛﻪ ﻗﯘﺗﺮﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﺷﯘﻳﯩﻠﻰ 11 ‏ - ﺋﺎﻳﺪﺍ ﺋﺎﭘﺘﻮﺭﻧﻰ ﻗﻮﻟﻐﺎ ﺋﺎﻟﻐﺎﻥ ﺋﯩﺪﻯ. ﻣﺎﺭﺍﻟﺒﯧﺸﻰ ﻧﺎﻫﯩﻴﯩﻠﯩﻚ ﺳﻮﺕﻣﻪﻫﻜﯩﻤﯩﺴﻰ ﻛﯧﻴﯩﻨﻜﻰ ﻳﯩﻠﻰ 2 ‏ - ﺋﺎﻳﺪﺍ ﺋﺎﭘﺘﻮﺭﻧﻰ ﺳﻮﺗﻼﭖ، 10 ﻳﯩﻠﻠﯩﻖ ﻗﺎﻣﺎﻕﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﻐﺎﻥ. ﻫﺎﺯﯨﺮ ﺋﯜﺭﯛﻣﭽﯩﺪﯨﻜﻰ 1 ‏ - ﺗﯜﺭﻣﯩﺪﻩ ﺟﺎﺯﺍ ﻣﯘﺩﺩﯨﺘﯩﻨﻰﺋﯚﺗﻪﯞﺍﺗﻘﺎﻥ ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻦ، ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﭘﯩﻜﯩﺮﺋﻪﺭﻛﯩﻨﻠﯩﻜﻰ ﺗﻪﺷﻜﯩﻼﺗﻠﯩﺮﯨﻨﯩﯔ ﺗﯩﺰﯨﻤﻠﯩﻜﯩﺪﯨﻜﻰ ﺋﻪﯓ ﻣﻪﺷﻬﯘﺭ ﯞﯨﺠﺪﺍﻥ ﻣﻪﻫﺒﯘﺳﻠﯩﺮﯨﻨﯩﯔﺑﯩﺮﻯ ﺑﻮﻟﯘﭖ ﻗﺎﻟﻐﺎﻥ ﺋﯩﺪﻯ.

ﺑﯘ ﻳﯩﻞ ﺋﯘﻧﯩﯔ ﺗﯜﺭﻣﯩﺪﻩ ﻳﯧﺘﯩﯟﺍﺗﻘﺎﻧﻠﯩﻘﯩﻨﯩﯔ 5 ﻳﯩﻠﻠﯩﻘﯩﺪﯗﺭ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺋﺎﻣﯧﺮﯨﻜﺎ ﻗﻪﻟﻪﻣﻜﻪﺷﻠﻪﺭ ﺟﻪﻣﺌﯩﻴﯩﺘﻰ ﺗﻮﺭﺩﺍ ﺑﯩﺮ ﻣﯩﻠﻴﻮﻥ ﻛﯩﺸﯩﻠﯩﻚ ﺋﯩﻤﺰﺍ ﺗﻮﭘﻼﺵ ﭘﺎﺋﺎﻟﯩﻴﯩﺘﻰ ﻗﻮﺯﻏﯩﺪﻯ. ﺋﺎﻣﯧﺮﯨﻜﺎﻗﻪﻟﻪﻣﻜﻪﺷﻠﻪﺭ ﺟﻪﻣﺌﯩﻴﯩﺘﯩﻨﯩﯔ ﻧﯩﺸﺎﻧﻰ ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﭘﯩﻜﯩﺮﻯ ﺗﻮﭘﻼﭖ، ﺧﯩﺘﺎﻱﺩﺍﺋﯩﺮﯨﻠﯩﺮﯨﻨﯩﯔ ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻨﻨﻰ ﺗﯧﺰﺭﻩﻙ ﻗﻮﻳﯘﯞﯦﺘﯩﺸﯩﻨﻰ ﻗﻮﻟﻐﺎﻛﻪﻟﺘﯜﺭﯛﺷﺘﯘﺭ.

ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ "ﻳﺎﯞﺍ ﻛﻪﭘﺘﻪﺭ"ﻧﻰ ﮔﯧﺮﻣﺎﻥ ﺗﯩﻠﯩﻐﺎﺗﻪﺭﺟﯩﻤﻪ ﻗﯩﻠﻐﺎﻥ ﮔﯧﺮﻣﺎﻧﯩﻴﯩﻠﯩﻚ ﺗﯜﺭﻙ ﺯﯨﻴﺎﻟﯩﻲ ﻣﻪﻫﻤﻪﺕ ﺋﺎﻳﺪﯦﻤﯩﺮ ﺋﻪﭘﻪﻧﺪﻯﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺋﯩﻤﺰﺍ ﺗﻮﭘﻼﺵ ﭘﺎﺋﺎﻟﯩﻴﯩﺘﻰ ﺧﻪﻟﻘﺌﺎﺭﺍ ﺟﺎﻣﺎﺋﻪﺕﭘﯩﻜﯩﺮ ﻫﺎﺯﯨﺮﻻﺵ ﺋﯜﭼﯜﻥ ﻣﯘﻫﯩﻢ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ، ﻟﯧﻜﯩﻦ ﺩﯨﻤﻮﻛﺮﺍﺗﯩﻚ ﺋﻪﻟﻠﻪﺭﻫﻪﺭﯨﻜﻪﺗﻜﻪ ﻛﻪﻟﻤﯩﺴﻪ ﺧﯩﺘﺎﻳﻨﯩﯔ ﺟﺎﻣﺎﺋﻪﺕ ﭘﯩﻜﯩﺮﯨﮕﻪ ﻗﯘﻻﻕ ﺳﺎﻟﻤﺎﻳﺪﯨﻐﺎﻧﻠﯩﻘﯩﻨﻰﺑﯩﻠﺪﯛﺭﺩﻯ. ﺋﯘ، "ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻨﻐﺎ ﺋﻮﺧﺸﺎﺵ ﺑﯩﺮ ﺷﺎﺋﯩﺮﻧﯩﯔ ﺧﯩﺘﺎﻱﺯﯨﻨﺪﺍﻧﻠﯩﺮﯨﺪﺍ ﭼﯩﺮﯨﭗ، ﻗﺎﺑﯩﻠﯩﻴﯩﺘﻰ ﯞﻩ ﻳﯧﺰﯨﺶ ﺋﺎﺭﺯﯗﺳﯩﻨﻰ ﻳﻮﻗﯩﺘﯩﭗ ﻗﻮﻳﯘﺷﻰ ﻫﻪﻡﺋﯘﻧﯩﯔ ﺋﯜﭼﯜﻥ ﻫﻪﻡ ﺑﯩﺰﮔﻪ ﺋﻮﺧﺸﺎﺵ ﺗﯜﺭﻙ ﺩﯗﻧﻴﺎﺳﻰ ﯞﻩ ﺗﯜﺭﻙ ﺋﻪﺩﻩﺑﯩﻴﺎﺗﯩﻐﺎﻗﯩﺰﯨﻘﯩﺪﯨﻐﺎﻥ ﻛﯩﺸﯩﻠﻪﺭ ﺋﯜﭼﯜﻥ ﺯﻭﺭ ﻳﻮﻗﯩﺘﯩﺸﺘﯘﺭ. ﺋﯘﻧﻰ ﻗﯘﺗﯘﻟﺪﯗﺭﯗﺵ ﻛﯧﺮﻩﻙ، ﻟﯧﻜﯩﻦﺧﯩﺘﺎﻱ ﺩﯗﻧﻴﺎﻧﻰ ﻛﯚﺯﮔﻪ ﺋﯩﻠﻤﺎﻳﺪﯨﻐﺎﻥ ﺑﯩﺮ ﺋﻪﻫﯟﺍﻟﻐﺎ ﻛﻪﻟﺪﻯ. ﺑﯘﻧﯩﯔ ﺋﯜﭼﯜﻥ ﺋﯘﻧﯩﯖﻐﺎﺯﻭﺭ ﺑﯧﺴﯩﻢ ﻻﺯﯨﻢ. ﺑﯘ ﺑﯩﺰ ﻳﺎﺯﻏﯘﭼﻰ ﯞﻩ ﺷﺎﺋﯩﺮﻻﺭﻧﯩﯔ ﺋﯩﻤﺰﺍ ﺗﻮﭘﻼﺵ ﭘﺎﺋﺎﻟﯩﻴﯩﺘﻰﺑﯩﻠﻪﻥ ﺑﻮﻟﻤﺎﻳﺪﯗ. ﺑﯘﻧﯩﯔ ﺋﯜﭼﯜﻥ ﺋﺎﻣﯧﺮﯨﻜﺎ، ﺗﯜﺭﻛﯩﻴﯩﮕﻪ ﺋﻮﺧﺸﺎﺵ ﺩﯙﻟﻪﺗﻠﻪﺭ ﯞﻩﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭﻧﯩﯔ، ﺋﯘﻻﺭﻧﯩﯔ ﺭﻩﻫﺒﻪﺭﻟﯩﺮﯨﻨﯩﯔﺧﯩﺘﺎﻳﻨﻰ ﺋﺎﮔﺎﻫﻼﻧﺪﯗﺭﯗﭖ، ﺑﯘ ﻳﺎﺯﻏﯘﭼﯩﻨﻰ ﻗﻮﻳﯘﭖ ﺑﻪﺭ، ﺩﯦﻴﯩﺸﻰ ﻛﯧﺮﻩﻙ" ﺩﻩﭖﻛﯚﺭﺳﻪﺗﺘﻰ.

ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻦ ﻗﯩﺴﻘﯩﻐﯩﻨﻪ ﺋﯩﺠﺎﺩﯨﻴﻪﺕ ﻫﺎﻳﺎﺗﯩﺪﺍﻫﯩﻜﺎﻳﻪ، ﻧﻪﺳﯩﺮ ﯞﻩ ﺷﯧﯩﺮﻻﺭ ﺑﻮﻟﯘﭖ ﻧﯘﺭﻏﯘﻥ ﻧﺎﺩﯨﺮ ﺋﻪﺳﻪﺭﻟﻪﺭﻧﻰ ﻳﺎﺯﻏﺎﻥ. ﻟﯧﻜﯩﻦ "ﻳﺎﯞﺍ ﻛﻪﭘﺘﻪﺭ" ﺋﯘﻧﯩﯔ ﺋﯩﺠﺎﺩﯨﻴﯩﺘﯩﺪﯨﻜﻰ ﻧﯘﺭﻏﯘﻥ ﺗﯩﻠﻼﺭﻏﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥﺑﯩﺮﺩﯨﻦ - ﺑﯩﺮ ﺋﻪﺳﯩﺮﯨﺪﯗﺭ. ﺋﺎﻳﺪﯦﻤﯩﺮ ﺋﻪﭘﻪﻧﺪﻯ ﻫﺎﺯﯨﺮﻏﺎ ﻗﻪﺩﻩﺭ 3 ﻗﯧﺘﯩﻢ ﺋﯘﻳﻐﯘﺭﺋﯩﻠﯩﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺭﯨﺌﺎﻟﻠﯩﻘﻰ ﯞﻩ ﺋﯘﻳﻐﯘﺭ ﺗﯘﺭﻣﯘﺷﯩﻨﻰﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻥ ﮔﯧﺮﻣﺎﻧﯩﻴﯩﻠﯩﻚ ﺯﺍﺕ.

ﺋﺎﻳﺪﯦﻤﯩﺮ ﺋﻪﭘﻪﻧﺪﻯ، ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻨﻨﯩﯔ ﺗﻪﺳﻪﯞﯞﯗﺭ ﻛﯜﭼﯩﮕﻪ ﻳﯘﻗﯩﺮﻯ ﺑﺎﻫﺎ ﺑﯧﺮﯨﭗ، ﻳﺎﺯﻏﯘﭼﯩﻨﯩﯔﺋﻪﺳﻪﺭﺩﻩ ﻛﻪﭘﺘﻪﺭﻟﻪﺭﻧﯩﯔ ﺗﯩﻠﻰ ﺑﯩﻠﻪﻥ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﭘﯩﺴﺨﯩﻚ ﺭﻭﻫﻰﻫﺎﻟﯩﺘﯩﻨﻰ ﺋﯧﭽﯩﭗ ﺑﻪﺭﮔﻪﻧﻠﯩﻜﯩﻨﻰ، ﺑﯘﻧﯩﯖﺪﯨﻦ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺋﻪﺭﻛﯩﻨﻠﯩﻜﻨﻰﺳﯚﻳﯩﺪﯨﻐﺎﻥ، ﻟﯧﻜﯩﻦ ﭼﺎﺭﯨﺴﯩﺰ ﺭﻭﻫﻰ ﻫﺎﻟﯩﺘﯩﻨﻰ ﻛﯚﺭﯛﯞﯦﻠﯩﺸﻘﺎ ﺑﻮﻟﯩﺪﯨﻐﺎﻧﻠﯩﻘﯩﻨﻰﺑﯩﻠﺪﯛﺭﺩﻯ. ﻣﯘﻧﺪﺍﻕ ﺩﻩﻳﺪﯗ" :ﺋﯘ ﺋﯩﻨﺴﺎﻧﻼﺭﻧﯩﯔ ﭘﯩﺴﺨﻮﻟﻮﮔﯩﻴﯩﻠﯩﻚ ﻫﺎﻟﯩﺘﯩﻨﻰ ﺋﯧﭽﯩﭗﺑﯧﺮﯨﺸﻜﻪ ﺗﯩﺮﯨﺸﻘﺎﻥ. ﺋﻪﺳﻪﺭﺩﻩ ﺋﯩﻨﺴﺎﻧﻼﺭﺩﯨﻜﻰ ﭼﺎﺭﯨﺴﯩﺰﻟﯩﻚ ﺑﺎﺭ. ﻳﻪﻧﻰ ﻗﻪﭘﻪﺯﺩﯨﻜﻰﭼﺎﺭﯨﺴﯩﺰ ﻗﺎﻟﻐﺎﻥ ﺑﯩﺮ ﻛﻪﭘﺘﻪﺭ ﺑﯩﻠﻪﻥ ﺋﯘ ﻳﻪﺭﺩﯨﻜﻰ ﺋﯩﻨﺴﺎﻧﻼﺭﻧﯩﯔ ﭼﺎﺭﯨﺴﯩﺰﻟﯩﻜﯩﻨﻰﺋﻮﺧﺸﺎﺵ ﺋﻪﻫﯟﺍﻟﺪﺍ ﺩﯦﻴﯩﺸﻜﻪ ﺑﻮﻟﯩﺪﯗ. ﺩﯦﻤﻪﻛﻜﻰ، ﭘﯜﺗﯜﻥ ﺩﯗﻧﻴﺎﻧﯩﯔ ﻫﻪﻣﻤﻪ ﻳﯧﺮﯨﺪﻩﺋﺎﺩﻩﻣﻨﯩﯔ ﺭﻭﻫﻰ ﻫﺎﻟﯩﺘﻰ ﺋﻮﺧﺸﺎﺵ. ﻫﯧﭽﻜﯩﻢ ﺋﺎﺳﺎﺭﻩﺕ ﺋﺎﺳﺘﯩﺪﺍ ﻳﺎﺷﺎﺷﻨﻰ ﺧﺎﻟﯩﻤﺎﻳﺪﯗ. ﺋﻪﺳﻠﯩﺪﯨﻼ ﺋﯩﻨﺴﺎﻧﻨﯩﯔ ﻳﺎﺭﯨﺘﯩﻠﯩﺸﯩﺪﺍ ﺋﻪﯓ ﻣﯘﻫﯩﻢ ﯞﻩ ﮔﯜﺯﻩﻝ ﻧﻪﺭﺳﻪ ﺋﯘﻧﯩﯖﺪﯨﻜﻰﺋﻪﺭﻛﯩﻨﻠﯩﻚ ﺋﺎﺭﺯﯗﺳﯩﺪﯗﺭ. ﺋﯩﻨﺴﺎﻧﻼﺭ ﺩﺍﺋﯩﻢ ﺋﻪﺭﻛﯩﻦ ﻳﺎﺷﺎﺷﻨﻰ ﺧﺎﻻﻳﺪﯨﻐﺎﻥ، ﻫﯧﭽﻜﯩﻢ‏ ﻫﯧﭽﻜﯩﻤﻨﯩﯔ ﺑﯧﺴﯩﻤﻰ ﺋﺎﺳﺘﯩﺪﺍ ﻗﯧﻠﯩﺸﻨﻰ ﺧﺎﻟﯩﻤﺎﻳﺪﯨﻐﺎﻥ ﺑﯩﺮ ﺑﺎﺭﻟﯩﻘﺘﯘﺭ."

ﺋﻪﻳﺪﯦﻤﯩﺮﺋﻪﭘﻪﻧﺪﻯ ﺋﯘﻳﻐﯘﺭﻻﺭﻧﻰ، ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﻰ ﺩﯗﻧﻴﺎﻏﺎ ﺗﻮﻧﯘﺷﺘﯘﺭﯗﺷﻨﯩﯔ ﺋﻪﯓ ﻣﯘﻫﯩﻢﯞﺍﺳﺘﯩﻠﯩﺮﯨﻨﯩﯔ ﺑﯩﺮﻯ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﻨﻰ ﺗﻮﻧﯘﺷﺘﯘﺭﯗﺷﺘﯘﺭ، ﺩﻩﭖﻗﺎﺭﺍﻳﺪﯨﻐﺎﻧﻠﯩﻘﯩﻨﻰ، ﻟﯧﻜﯩﻦ ﻳﺎﯞﺭﻭﭘﺎ ﺗﯩﻠﻠﯩﺮﯨﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ ﺋﯘﻳﻐﯘﺭﺋﻪﺩﻩﺑﯩﻲ ﺋﻪﺳﻪﺭﻟﯩﺮﯨﻨﯩﯔ ﻧﺎﻫﺎﻳﯩﺘﻰ ﺋﺎﺯﻟﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ، "ﻳﺎﯞﺭﻭﭘﺎﺩﺍ ﺋﯘﻳﻐﯘﺭﺋﻪﺩﻩﺑﯩﻴﺎﺗﻰ ﻳﻮﻕ ﺩﯨﻴﻪﺭﻟﯩﻚ ﺋﺎﺯ، ﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﻐﺎ ﺩﺍﺋﯩﺮ ﻧﺎﻫﺎﻳﯩﺘﻰ ﺋﺎﺯﺋﻪﺳﻪﺭ ﺑﺎﺭ. ﺋﯘﻳﻐﯘﺭ ﺗﯩﻠﯩﺪﺍ ﻳﯧﺰﯨﻠﻐﺎﻧﻠﯩﺮﯨﻨﻰ ﻣﻪﻥ ﺋﻮﻗﯩﻴﺎﻟﻤﺎﻳﻤﻪﻥ. ﭼﯜﻧﻜﻰ ﺋﻪﺭﻩﺏﺋﯧﻠﯩﭙﺒﻪﺳﯩﻨﻰ ﺋﻮﻗﯘﺷﻨﻰ ﺑﯩﻠﻤﻪﻳﻤﯩﺰ. ﺋﯩﻨﺸﺎﺋﺎﻟﻼﻫ ﻳﺎﯞﺭﻭﭘﺎﺩﺍ ﻳﺎﺷﯩﻐﺎﻥ ﺋﯘﻳﻐﯘﺭﻻﺭﻳﯧﯖﻰ ﻳﯧﺰﯨﻠﻐﺎﻥ ﻫﯩﻜﺎﻳﻪ ﯞﻩ ﺭﻭﻣﺎﻧﻼﺭﻧﻰ ﻳﺎﯞﺭﻭﭘﺎ ﺗﯩﻠﻠﯩﺮﯨﻐﺎ ﺗﻪﺭﺟﯩﻤﻪ ﻗﯩﻼﺭ. ﺑﯘﻧﯩﯔﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﻳﺎﺭﺩﯨﻤﻰ ﺗﯧﮕﯩﺪﯗ. ﻣﻪﻥ ﺑﯘ ﻳﯩﻞ ﻓﺮﺍﻧﻜﻔﻮﺭﺩﻛﯩﺘﺎﺏ ﻳﻪﺗﻤﻪﻧﻜﯩﺴﯩﮕﻪ ﺗﻪﻛﻠﯩﭗ ﻗﯩﻠﯩﻨﺪﯨﻢ. ﻳﻪﺭﻣﻪﻧﻜﯩﺪﻩ ﺋﯘﻳﻐﯘﺭ ﻳﺎﺯﻏﯘﭼﯩﻼﺭ ﺑﯩﻠﻪﻥﺗﻮﻧﯘﺷﺘﯘﻡ. ﻛﯧﻠﻪﺭ ﻳﯩﻠﻘﻰ ﻓﺮﺍﻧﻜﻔﻮﺭﺩ ﻛﯩﺘﺎﺏ ﻳﻪﺭﻣﻪﻧﻜﯩﺴﯩﺪﻩ ﺋﯘﻳﻐﯘﺭ ﻳﺎﺯﻏﯘﭼﯩﻼﺭﺑﯩﻠﻪﻥ ﺑﯩﺮ ﺑﯚﻟﯜﻡ ﺋﯧﭽﯩﭗ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﻪﺩﺑﺒﯩﻴﺎﺗﯩﻨﻰ ﻛﯚﺭﮔﻪﺯﻣﯩﮕﻪﻗﻮﻳﯘﺷﯩﻤﯩﺰ ﻛﯧﺮﻩﻙ، ﺩﻩﭖ ﺋﻮﻳﻼﻳﻤﻪﻥ،" ﺩﻩﻳﺪﯗ.

ﺋﯚﺯﺩﯦﻤﯩﺮ ﺋﻪﭘﻪﻧﺪﻯ، ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻨﻨﯩﯔ "ﻳﺎﯞﺍ ﻛﻪﭘﺘﯩﺮﻯ"ﻧﯩﯔ ﮔﯧﺮﻣﺎﻥ ﺗﯩﻠﯩﺪﯨﻜﻰ ﺗﻪﺭﺟﯩﻤﯩﺴﻰ ﻳﯧﻘﯩﻨﺪﺍﮔﯧﺮﻣﺎﻧﯩﻴﯩﻨﯩﯔ ﺋﻪﯓ ﭼﻮﯓ ﻫﻪﭘﺘﯩﻠﯩﻚ ﮊﻭﺭﻧﯩﻠﻰ - ﺩﯦﺮ ﺷﯩﭙﯧﻴﮕﯩﻠﺪﺍ ﺑﯧﺴﯩﻠﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﺋﻪﺳﻪﺭ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﻨﻰ ﻳﺎﯞﺭﻭﭘﺎ ﺗﯩﻠﻠﯩﺮﯨﺪﺍ ﺗﻮﻧﯘﺷﺘﯘﺭﯗﺷﺘﯩﻜﻰﺩﻩﺳﻠﻪﭘﻜﻰ ﻗﻪﺩﻩﻡ ﺑﻮﻟﯘﭖ ﻗﺎﻟﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ. ﺋﯘ ﻣﯘﻧﺪﺍﻕ ﺩﻩﻳﺪﯗ" :ﻧﯘﺭﻣﯘﻫﻪﻣﻤﻪﺕ ﻳﺎﺳﯩﻨﻨﯩﯔ ﺗﻪﺳﻪﯞﯞﯗﺭﻯ ﺷﯘ ﻗﻪﺩﻩﺭ ﻛﻪﯓ، ﺗﻪﺳﯟﯨﺮﻯ ﺷﯘ ﻗﻪﺩﻩﺭ ﮔﯜﺯﻩﻝ، ﺋﯘ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﻫﺎﻳﯟﺍﻧﻼﺭﻧﯩﯔ ﺗﯩﻠﻰ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺩﯙﻟﻪﺕﺑﯩﻠﻪﻥ ﺯﯨﺪﺩﯨﻴﻪﺗﻠﻪﺷﻤﻪﺳﻠﯩﻜﻨﯩﯔ ﻳﻮﻟﯩﻨﻰ ﺗﯘﺗﻘﺎﻥ. ﺋﻪﺳﻪﺭﻧﻰ ﺋﻮﻗﯩﻐﺎﻥ ﻫﻪﻣﻤﻪﺋﺎﺩﻩﻣﻨﯩﯔ ﺋﯘﻳﻐﯘﺭﻻﺭﻧﻰ ﺑﯩﻠﻤﻪﻱ ﺋﻪﺳﻪﺭﻧﻰ ﭼﯜﺷﯩﻨﻪﻟﯩﺸﻰ ﺗﻪﺱ. ﭼﯜﺷﻪﻧﮕﻪﻧﻠﻪﺭ ﺋﯜﭼﯜﻥﻧﺎﻫﺎﻳﯩﺘﻰ ﻣﻪﻧﯩﻠﯩﻚ ﺑﯩﺮ ﺋﻪﺳﻪﺭﺩﯗﺭ. ﺑﯘ ﺋﻪﺳﻪﺭ ﮔﯧﺮﻣﺎﻧﯩﻴﯩﻨﯩﯔ ﺑﯩﺮ ﻣﯩﻠﻴﻮﻥ 200 ﻣﯩﯔﺗﺮﺍﮊﺩﺍ ﻧﻪﺷﺮ ﻗﯩﻠﯩﻨﯩﺪﯨﻐﺎﻥ ﻫﻪﭘﺘﯩﻠﯩﻚ ﮊﻭﺭﻧﯩﻠﻰ - ﺩﯦﺮﺷﯩﭙﯧﻴﮕﯧﻠﺪﻩ ﻧﻪﺷﺮ ﻗﯩﻠﯩﻨﻐﺎﻥﺑﻮﻟﯘﭖ، ﺋﻪﺳﻪﺭ ﺋﻮﻗﯘﺭﻣﻪﻧﻠﻪﺭﺩﻩ ﭼﻮﯕﻘﯘﺭ ﺗﻪﺳﯩﺮ ﻗﻮﺯﻏﯩﺪﻯ."